2011 is die 15e Bestaansjaar van NvR Fotografie en om hierdie groot mylpaal te vier, gaan ek baie pryse verniet weggee en veel ander verrassings kan te wagte wees. Hou die webtuiste dop!

Nadia van Renburg Fotografie is 'n wel bekende Fotografie besigheid in Polokwane en reis landwyd.

Fotografie is in my bloed vandat ek kan onthou.
My oupa aan moederskant was 'n fotograaf in die 1940's en is by Die Herald koerant in P.E as hooffotograaf  aangestel.

My pa het foto's geneem vandat ek kan onthou en het later van tyd professioneel gegaan in die beroep en is steeds sterk aan die gang as Gus van Rensburg Fotografie.

Ek het my eerste troue gedoen op die ouderdom van 16 en reeds daar besef dat fotografie my passie is.  Met bykans 400 troues agter die rug en 14 jaar se ondervinding in die Fotografieveld, gee dit my steeds vandag nog 'n thrill  om foto's te neem.

Ek gebruik tans 'n Canon 40D kamera met 'n 18-200mm zoom lens wat my ure se plesier agter die kamera verskaf met goed gebalanseerde kleure en kristalhelder en foto's.

'n Vry-styl fotografie bly my gunsteling, siende dat die kliënt steeds die laaste sê het oor hoe hulle hul fotostyl verkies, wat elke sessie uniek en spesiaal maak.

My doel is  om  daardie kosbare, spesiale oomblikke vastevang op kamera wat woorde nooit sal kan sê nie. Om herinneringe te skep en dit om te sit in 'n kunswerk waarna jy na 20 jaar steeds met trots kan kyk.